توك صغيره وابتديتي تحبين

توك صغيره وابتديتي تحبين = من علمك ليل السهر ياصغيره ؟

بدري عليك العشق يابنت هاللحين = حرام هذا القلب وشهو مصيره ؟

انتي بريئه في الهوا ليه تشقين؟ = دروبه طوال ٍ عليك وعسيره

رحتي بدرب ٍ ماله اصلا ً عناوين = وانتي مشاويرك من اول قصيره

ياطفلة ٍ حبّت وراحت على وين ؟ = عقب الهنا ذقتي الحياه المريره

وينك ووين الحب والشوق والبين ؟ = عنّيتي عيونك وصرتي سهيره

امحق تسلّي كان ودك تسلّين = الورد لولا اللون وشهو عبيره ؟ ؟ ؟

خلّيتي دروسك وصرتي تحاتين = الدرس في ديره وصرتي بديره

وصرتي بعد من غير هذا تغارين = والمشكله يابنت منتتي خبيره

نصيحتي لك كان ودك تردين = يم السعاده والحياه المثيره

خلّك بجو العايله لا تعدّين = ماما وبابا والعجوز الضريره

شيبانك اللي ما يبونك تعانين = من بينهم عشتي كأنك اميره

الحب قبلك هز ناس ٍ كثيرين = خلا القلوب تعيش هم ٍ وحيره

والحب يفضح لا انكشف داخل العين = وانتي بنفسك ما هقيتك بصيره

طيعي كلامي واحذري لا تمادين = تراجعي لعل في الأمر خيره

عيشي الطفوله والبراءه لك سنين = وبعدين حبّي لا غديتي كبيره

آميرة مبدع ــةة 242 268 0 24

موضوع مرا مرا رائع غاليتى
شكرا كتير لك

آميرة مبدع ــةة 299 429 4 24

شكرا

يسلمووووووووووو فديتك تابعي ابداعك

نٌآئبّـة آلَمِدُيّرة 2524 2891 47 23

يسلمو ع الطرح المميــــز

ف انتظار جديدكـ

تقبلي مروري

ادارية 240 897 2 27

مشكووووووورة كتير غاليتي
دمت بود

» أكواد ماوسات صغيره وخفيفه بألوان متعدده