موضوع: تعلم الفوتوشوب من البداااااااية الى الاحتراف 1 الأحد يونيو 02, 2013 11:19 am
هااااااااي يا احلى رايقين يارب تكونوا بخير .. التوبيك هذا بيكون عبارة عن تعليم الفوتو شوب من اول خطوة لغاية ما تبقون محترفين في الفوتو شوب .. و كل فترة هنزل درس درس و الدروس طبعا كلها بالصور عشان التنفيذ يبقى واضح و سهل .. هيكون تعليم ازاي تحرك الكتابة ازاي تعمل جليتر ازاي تكتب اسمك بالتلج او النار ......... الخ كل حاجه هنتعلمها ان شاء الله .. بس بما اننا لسه في البداية فأول حاجه هعملها هي اني هشرح اساسيات الفوتوشوب .. اساسيات الفوتو شوب يعني هنتعلم الحاجات البسيطه الاول اللي هنحتاجها في الحاجات الكبيره بعدين ...
و هبدأ اول حاجه بشرح قائمة الادوات اللي في البرنامج اللي هي دي :::
ده شريط الادوات :: هشرحلكم دلوقتي كل أداة بتعمل ايه على حسب الارقام اللي مترقمه في الصورة ...
هنبدأ بأداة رقم (1) اللي هي أداة التحديد
الأداة دي بتسخدم انك مثلا لما تفتح صورة عايز تعمل تأثير على جزء معين بس مش الصورة كلها يعني ... فدي بتحدد بيها الجزء اللي انت هتعمل التأثير عليه ..
ولو ضغطت كليك يمين عالشكل ده هتلاقيه طلعلك قائمة تانيه اللي هي دي
دي عشان تختار شكل التحديد عايزه دايره ولا مربع ولا مستطيل ..زي كده مثلا
الشكل رقم 2 بقى أداة حبل التحديد
ده بردوا عبارة عن اداة تحديد بس بأشكال تانيه غير المربع و المستطيل بطريقة شكل حر يعني و لو ضغطت كليك يمين هتلاقي طلعلك منه قايمه تانيه اللي هي دي .
و ده بردوا عشان تختار الشكل اللي حابب تحدد بيه .. 1 _ تحديد حر تستخدم هذه الأداة لتحديد حر يرسم يدوياً. يتم عمل التحديد عن طريق سحب المؤشر في الاتجاه المطلوب 2 _ تحديد مضلع يرسم تحديد حر بخطوط مستقيمة. 3_ تحديد مغناطيسي يرسم تحديد حر ينجذب إلى حدود العنصر أو الكائن
حته معينه في الصورة عايز تقصها فدي الأداة اللي بتقص ...
نروح لشكل رقم 4
أداة تشبه في عملها بعمل الاداة و هي لنسخ جزء من الصورة انت تحدده و تحطها في المكان اللي عايزه ..
اما الشكل رقم 5
دي اسمها اداة الختم دي من استخدامتها انك لو عايز تمسح كلمة من على صورة بتمسحها بنفس لون الخلفيه يعني من غير ما تحتاج انك تقص الصورة عند الحته اللي فيها الكلام وكدا .. لا دي تخلي الكلام يتشال و يبقى لون الخلفيه مكانه .. و بردوا دي بنستخدنه في الجليتر و هيكون ليها درس ان شاء الله .. و لو ضغطت كليك يمين هيطلعلك دا
الاولى بتبقى لمسح كلام من على صورة مثلا و التانيه للجليتر
نروح لشكل 6
دي اسمها ادة الممحاة و عملها عادي جدا انها بتمسح زي اي استيكه يعنيو من عملها بردوا ان مثلا لو عندك صورة ليها خلفيه ممكن تشيلك الخلفيه كلها و بردوا لو ضغطت كليك يمين هيطلعلك كذا شكل ليها
و دول عباره عن كذا طريقة للمسح يعني ممكن انك تحدد المنطقه اللي عايز تمسحها و تعمل كليك يمين دليت تقوم تتمسح او ممكن بردوا المسح بطريقه عشوائية من غير ما تحدد يعني ..
1 _ ممحاة عاديه عشوائية 2_ ممحاة بدون لون 3_ الممحاة السحرية تقوم بمحو الألوان المتشابهة القيمة إلى الشفافية
اما الشكل رقم 7
فده اداة أداة التمويه تستخدم هذه الأداة لتخفيف و إضافة تأثير التمويه على الحواف الحادة. .
1 _ اداة التوضيح 2_ اداة تنعيم
تقوم بزيادة و ضوح وحدة الحواف الناعمة
.3_ اداة الاصبع تقوم بدمج البيانات في الصورة.
و الشكل رقم 8
أداة التحديد المباشر تقوم بتحديد و تحريك التخطيط أو جزء منه.
1_ أداة التحديد المباشر تقوم بتحديد و تحريك التخطيط أو جزء منه 2 _ أداة تحويل النقطة تقوم بتحويل نقطة الخطوط الحادة إلى نقطة منحنى، و العكس بالعكس.
يــــــــــتــــــــــبع ..
جمال الروح مِؤسًسًـسًسًـة آلَمِنٌتُدُيّ
1514
2873 15
موضوع: رد: تعلم الفوتوشوب من البداااااااية الى الاحتراف 1 السبت يونيو 08, 2013 9:29 am
تسلمي يا قمر علي الدرس الجميل فعلا فمن يريد تعلم الفوتوشوب لازم الاول الاساسيات واصلي الابداع
ـــــان الكريــمــ
موضوع: تعلم الفوتوشوب من البداااااااية الى الاحتراف 1 
الأحد يونيو 02, 2013 11:19 am
